TAARIFA KUTOKA JESHI LA POLISI MKOA WA MWANZA

TAREHE 28.02.2017 MAJIRA YA SAA 06:00HRS ASUBUHI KATIKA MTAA WA IGOGO WILAYA YA NYAMAGANA JIJI NA MKOA WA MWANZA, MAOFISA WA SHIRIKA LA UMEME LA TANESCO WAKIWA PAMOJA NA ASKARI POLISI WALIFANYA OPERESHENI MAALUMU DHIDI YA WATU WANAONGILIA MIUNDOMBINU YA TANESCO NA KUFANIKIWA KUWAKAMATA WATU NANE (08) AMBAO WAMEJIUNGANISHIA UMEME KWENYE NYUMBA ZAO KINYEMELA WALIOJULIKANA KWA MAJINA YA 1. CHACHA AUGUSTINO MIAKA 30, 2. SOLOMON BULIBA, 3.JACKSON JUSTONE MIAKA 24, 4.YUNUS MABUBA MIAKA 28, 5.JAPHET JOHN MIAKA 23, ABEID ADAM MIAKA 25, 6.ADIDAS JACKOB MIAKA 23, 7.DAUD MONYI MIAKA 43, NA 8.HELENA JONAS MIAKA 37, WOTE WAKAZI WA MTAA WA IGOGO, KITENDO AMBACHO NI KOSA KISHERIA.

AWALI MAOFISA WA TANESCO WALIPOKEA TAARIFA KUTOKA KWA WASIRI WAO KWAMBA WAPO WATU AMBAO WANAHUJUMU MIUNDOMBINU YA SHIRIKA LA UMEME NCHINI TANESCO KATIKA JIJI LA MWANZA, AMBAO WAMEKUWA WAKIJIUNGANISHIA UMEME KINYEMELA NA KULISABABISHIA SHIRIKA HASARA.  AIDHA KUTOKANA NA TAARIFA HIZO JANA TAREHE 28.02.2017 KUANZIA MAJIRA TAJWA HAPO JUU MAOFISA WA TANESCO WAKIWA PAMOJA NA ASKARI POLISI  WALIFANYA OPERESHENI YA KUKAGUA MIUNDOMBINU YA UMEME KATIKA MAENEO MBALIMBALI YA JIJI LA MWANZA.

OPERESHENI HIYO ILIFIKA HADI MTAA WA IGOGO ULIOPO WILAYA YA NYAMAGANA AMBAPO WALIFANIKIWA KUWAKAMATA WATU NANE TAJWA HAPO JUU, AMBAO WAMEJIUNGANISHIA UMEME KWENYE NYUMBA ZAO KINYEMELA KWA KIPINDI KIREFU NA KULISABABISHIA SHIRIKA LA UMEME NCHINI HASARA AMBAYO HADI SASA BADO HAIJAFAHAMIKA KUWA NI KIASI GANI. 1POLISI WANAENDELEA NA MAOHOJIANO NA WATUHUMIWA WOTE NANE HUKU MISAKO NA UPELELEZI YA KUWASAKA WATU WENGINE AMBAO WANAIHUJUMU MIUNDOMBINU YA UMEME KATIKA JIJI LA MWANZA IKIWA BADO INAENDELEA, PINDI UCHUNGUZI UKIKAMILIKA WATUHUMIWA WOTE NANE WATAFIKISHWA MAHAKAMANI.

KAMANDA WA POLISI MKOA WA MWANZA NAIBU KAMISHINA WA POLISI AHMED MSANGI ANATOA WITO KWA WAKAZI WA JIJI NA MKOA WA MWANZA AKIWATAKA KUACHA TABIA YA MBAYA YA KUJIUNGANISHIA UMEME KINYEMELA KWENYE NYUMBA ZAO KWANI NI HATARI KATIKA MAISHA YAO NA FAMILIA ZAO, LAKINI PIA NI KOSA LA JINA. AIDHA ANAWAOMBA WANANCHI KUTOA TAARIFA POLISI MAPEMA ILI WAHALIFU WA AINA KAMA HII WAWEZE KUKAMATWA NA KUFIKISHWA KATIKA VYOMBO VYA SHERIA KABLA MADHARA MAKUBWA DHIDI YA JAMII HAYAJATOKEA.

IMETOLEWA NA;

DCP: AHMED MSANGI

KAMANDA WA POLISI (M) MWANZA