Misri yatoa visiwa vyake kwa Saudi Arabia

Bunge la Misri limehalalisha Saudi Arabia kumiliki visiwa viwili vya nchi hiyo ambavyo havikaliwi na watu.

Mwaka uliopita palitokea maandamano makubwa baada ya serikali ya nchi hiyo kusema kuwa itatoa visiwa hivyo vya Tiran na Sanafir.

Mahakama kuu nchini Misri ilipinga jambo hilo lakini serikali ikasema ni suala ambalo lipo ndani ya uwezo wa serikali.

Serikali za Saudi Arabia na Misri zimesema visiwa hivyo vilikuwa chini ya uangalizi wa Misri lakini ni mali ya Saudi Arabia.

Serikali ya Saudi Arabia imetoa mabilioni ya dolla kufanikisha mpango huo.